DIRECTOR/A DE ACTIVIDADES DE TEMPO LIBRE

A vista dos recentes cambios na estrutura organizativa das actividades de tempo libre en Galicia, especialmente nos campamentos de verán (única competencia exclusiva dos directores de actividades de tempo libre), o noso curso terá unha compoñente práctica e achegada á realidade moi especial. Potenciaremos a visión do director como xestor de recursos humanos, a dirección eficaz de equipos de traballo, as novas estruturas organizativas nos campamentos galegos. Ademais, o uso e aproveitamento de ferramentas en web para mellorar a práctica da animación. Por exemplo:

• Entrega de tarefas ao través da nosa plataforma de formación “en liña” moodle.

• “Blog” do curso de directores, onde de xeito rotatorio terán que facer un diario das vivencias de cada día.

• Xestión de traballo colaborativo en liña: plataformas wiki e documentos compartidos baixo Google.

• Proxectos en rede a integrar nos nosos programas.

• Realización de tarefas de control de obxectivos baixo web.

MODALIDADE: horario de 9:00 a 14:00 e de 16:00 a 21:00 horas.

LUGAR: locais da ETL Animacción.

PARTICIPANTES: máximo de 25.

PROGRAMA: o oficial da Dirección Xeral de Xuventude e Solidariedade (decreto 50/2000). Potenciaremos especialmente as seguintes materias:

• Intelixencia emocional, rexolución de conflitos e comunicación.

• Lexislación: protección de datos, responsabilidade civil e prevención de riscos laborais.

• Novas tecnoloxías: ferramentas "en liña" que nos facilitarán a vida. Blogs, documentos e follas de cálculo "en liña", grupos de traballo colaborativos (Wikis).

MATRÍCULA: 220 €; 50% no momento de facer a matrícula e o 50% restante no mes seguinte. Este importe terá un 20% de desconto para os traballadores de Altega S.L.

Enviar correo electrónico a info ARROBA animaccion PUNTO info cos datos de contacto.

BOLSA DE TRABALLO: concertamos coa empresa Altega - Xestión do Lecer a posibilidade de realizar as prácticas nos seus proxectos, así como traballar en todo tipo de actividades de tempo libre e lecer.

OUTROS: os/as alumnos/as da escola poden gozar durante un ano da condición de socios da Asociación Animacción, de balde. Ademais da participación nas actividades desta asociación, posibilita o acceso á biblioteca especializada con 200 títulos, relacionados co tempo libre.